ILOILO— Pinasahe nga pamaagi ang ginhimo sang subject sa drug buy bust operation sa Sinikway, Lapuz agud matago ang illegal nga druga.
Subject sang operasyon ang magpakaisa nga alyas Pipoy, 34-anyos kag Renz, 19-anyos nga taga-Banate pero naga-arkila sang balay sa Lapuz.
Suno kay Major Marvin Villanueva, deputy sang Regional Police Drug Enforcement Unit (RPDEU), nabaklan sang isa ka sachet sang suspected shabu sa balor nga P13,000 ang mga subject.
Na-recover pa gid ang dugang nga sachets sang suspected shabu sa diin ang iban ginsulod sa libro nga may buho sa tunga. Nagabug-at ang suspected shabu sang 230 grams kag may standard drug price nga P1,564,000.
Ginpabutyag ni Villanueva nga nagahalong na si Pipoy gani sa libro niya gintago ang illegal drugs.
Sa impormasyon, 2015 sang nadakpan man sa drug buy bust operation si Pipoy sa Banate.
Gina-monitor na sang pulis ang hulag ni Pipoy sa Banate gani nagsaylo sa syudad. — Aksyon Farrah Mae Morano
