Angkar-angkar ni Batad SB member Cresensio Arcosa, nakit-an nga sunog sa Concepcion

ILOILO — Nakit-an na lang nga sunog na ang angkar-angkar ni Batad SB member Cresensio Arcosa sa Barangay Bakhawan Sur, Concepcion kaina sang aga.

Suno kay Police Staff Sergeant Edward Magluyan, imbestigador sang Concepcion Municipal Police Station, may nag-report sa ila nga may nakita-an nga angkar-angkar sa kilid sang karsada kag sunog ang motor.

Base sa impormasyon naka-park sa guwa sang balay ni SB Arcosa ang iya angkar-angkar.

Nahibaluan na lang sang opisyal nga wala na ang iya angkar-angkar sang nakita niya sa Facebook post nga sunog na.

Wala pa nahibaluan kon sin-o ang nag-driver nga nakalab-ot sa Bakhaw Sur, Concepcion ang angkar kag ngaa nasunog. — Aksyon Angel Mae Ciudad