ILOILO CITY — Natapna sang Regional Police Drug Enforcement Unit (RPDEU) nga maglapta sa rehiyon ang malapit P3 million nga balor sang suspected shabu sang nadakpan ang mag-live in sa drug bust operation sa Brgy. San Jose, City Proper.
Suno kay Police Major Marvin Villanueva, deputy chief sang RPDEU 6, nagabug-at sang 425 grams ang suspected shabu nga na-recover.
Magluwas diri, na-recover man sang mga pulis ang pistol kag iban pa nga non-drug items.
Sa monitoring, may kilala sa presuhan sa Muntinlupa ang main subject nga si Randy nga ginakuhaan niya sang supply sang illegal drugs.
Ginakabig sang RPDEU nga high value drug personality ang mag-live in nga residente sang Brgy. Rizal Estanzuela, City Proper.
Sa syudad kag sa mga malapit nga lugar sa rehiyon ang area of operation sang mga nadakpan. — Aksyon Paula Elambayo
