ILOILO CITY — Arestado ang job hire sang Facility Conservation Office (FCO) sang Iloilo City Government sa drug bust operation sa Brgy. Zamora-Melliza, City Proper las-7 kagab-i, Mayo 26.
Na-recover sa operasyon ang P1,632,000 nga balor sang suspected shabu.
Suno kay Police Captain Roque Gimeno III, OIC sang City Drug Enforcement Unit (CDEU), nakaagi na nadakpan sa drug bust operation sang 2015 ang subject nga si alyas Dadang, 47-anyos pero na-acquit gani nakaguwa sang 2024.
Sang nakaguwa, nag-obra sa FCO kag gingamit ini agud makabaligya kag mapalapta ang illegal drugs sa syudad.
Tungod sa New Bilibid Prison napreso, may mga “contact” si Dadang sa mga drug personality nga amo ang ginakuhaan niya sang supply.
May mga nabaton nga impormasyon ang mga pulis sa illegal nga aktibidad sang subject gani gin-monitor. — Aksyon Paula Elambayo
