ILOILO — Ginkumpirmar sang reliable source sang Aksyon Radyo Iloilo nga nag-file sang resignation letter sa opisina sang Mayor, Municipal Local Government Operations Office (MLGOO), kag Liga ng mga Barangay sa Tigbauan ang tanan nga barangay officials sang Brgy. Linobayan.
Suno sa informant, nag-ugat ang pag-resign sang mga barangay officials sa reklamo sa gin-alegar mabaho nga poultry nga ginreklamo sang mga residente.
Wala na gindetalye pa sang informant kon ano ang madalom nga rason sang reklamo.
Ginpakig-angutan sang estasyunan ang barangay pero wala maghatag sang statement.
