PASSI CITY — Na-recover ang suspected shabu kag pusil sa drug buy bust operation sa Barangay Bagacay, Passi City kagab-i.
Subject si alyas Rino, 42-anyos nga residente sang amo man nga lugar.
Sa ginhimo nga operasyon sang Passi City police, nakuha sa subject ang 11 ka sachets sang suspected shabu nga nagabug-at sang 80 grams kag may standard drug price nga P544,000.
Luwas diri, na-recover man sang kapulisan ang homemade, single-shot, break-type caliber .45 firearm kag duha ka bala.
Gindayaw ni Police Colonel Bayani Razalan, director sang Iloilo Police Provincial Office ang operating personnel sa madinalag-on nga operasyon.
“Our operations will remain strong and focused through the steadfast support and cooperation of local government units, the community, and other law enforcement agencies,” suno kay Razalan
