Driver sang motorsiklo patay sang nahulog sa kanal sa Pototan

ILOILO — Dead-on- arrival sa ospital ang 45-anyos nga driver sang motorsiklo sang nahulog sa kanal sa Barangay Tuburan, Pototan, las-11 kagab-i.

Suno kay Police Lieutenant Cosmeflor Marco, Jr., Deputy Chief of Police sang Pototan Municipal Police Station, halin sa Brgy. Polot-an ang driver sang motorsiklo nga si alyas Artchel kag pakadto kuntani sa Barotac Nuevo.

Nadulaan sang control sa iya motorsiklo si Artchel rason nga nahulog sa kanal kag nag-igo ang iya ulo sa bato.

Ginabanta sa apat katapak ang kadalumon sang kanal nga nahulugan sang driver kag sang iya motorsiklo.

Wala sang suksok nga helmet driver, suno sa pulis. — Aksyon Angel Mae Ciudad