ILOILO — Duha ka sunog ang nagluntad sa probinsiya sang Iloilo kaina sang aga.
Las-7 kaina sang aga, ginrespondehan ang nasunog nga barracks sa Oton Public Market.
Gilayon nga napalong ang kalayo kag gina-imbestigaran na sang mga bombero ang ginhalinan sang sunog.
Suno sa caretaker kag nagatrabaho man sa lugar nga si Jeffrey Gania, naglakat siya agud mag-CR kag sa iya pagbalik nakita na lang niya nga naga-ibwal na ang kalayo.
Sa paglantaw ni Gania, sa kisame nagsugod ang kalayo sa diin may linya sang kuryente.
Samtang sa Purok 2, Pavia nasunog ang balay, photo studio kag litsonan sang manok.
Ginalantaw ni Neva Jean Catolico, tag-iya sang balay, nga sa baga sa ila dapog nagsugod ang kalayo.
Suno kay Catolico, nagapamahaw siya sang nakit-an nga nagakalayo na ang ila dapog.
Tinguhaan pa niya kuntani nga basyahan sang tubig ang kalayo pero nagdaba-daba na ini. — Aksyon Maria Kayla Tingzon
