Pick up naglapaw kag nagbaliskad sa talamnan sa Oton; Tricycle nga ginasundan nagbaliskad

ILOILO — Nakaguwa ang duha ka mga sakay sang pick up nga nag-awas kag naglapaw sa talamnan sa Barangay Abilay Norte, Oton kagab-i, Abril 18.

Suno sa tanod nga nagresponde, halin sa direksyon sang San Miguel ang pick up nga nagasunod sa tricycle.

Ma-overtake kuntani ang pick up sa tricycle pero nasilawan ang driver sa suga sang sumalang nga motorsiklo.

Tungod sini nalab-ot sang pick up ang likod sang side car sang tricycle gani nagbaliskad.

Madasig ang padalagan sang driver sang pick up amo nga naglapaw sa talamnan kag nagtiyog pa antes nagbaliskad.

Conscious nga gindala sa ospital ang duha ka mga sakay sang pick up kag driver sang tricycle. — Aksyon Maria Kayla Tingzon