ILOILO — Nakuhaan sang pusil kag mga bala ang 59-anyos nga residente sang Sitio Bliss, Barangay Cari Mayor, Leganes sang ginserbihan sang search warrant.
Subject sa operasyon si alyas Mel kag nakuhaan sang caliber 45 kag 14 ka mga bala sang amo man nga kalibre.
Ginpanginbulahan ni Police Colonel Bayani Razalan ang mga katapo Leganes Municipal Police Station sa madinalag-on nga intelligence build nga nagresulta sa madasig nga pagkadakop sa subject.
Yara na sa kustodiya sang Leganes police ang subject nga magapangatubang sang kaso nga paglapas sa Republic Act 10591 or the Comprehensive Firearms and Ammunition Regulation Act.
