ANTIQUE – Siyam ka kahon sang illegal nga mga sigarilyo ang nakumpiskar sa 25-anyos nga lalaki sa anti-smuggling operation sa Barangay Apgahan, Patnongon.
Nadakpan sa operasyon ang 25-anyos nga si alyas Koma, sang San Jose, Antique.
Naglunsar sang operasyon ang intelligence operatives sang Patnongon Municipal Police Station sang nakabaton sang impormasyon halin sa Barangay Kagawad may kaangtanan sa ginpahayag presensya kag pagdala sang illegal nga sigarilyo sa lugar.
Na-recover sa operasyon ang siyam ka kahon nga naga-unod sang 900 ka reams sang “Cannon” brand cigarettes nga ginabanta nagabalor sang ₱900,000.
Nagapangatubang ang suspek sang kaso nga paglapas sa Republic Act No. 8424 ukon National Internal Revenue Code.
