ILOILO CITY — Nakaga-id pa-ibabaw ang kamot sang residente sang Calaparan, Arevalo nga may pilas sang pagkabuno sa ilok, liug kag naga-ungot pa ang kutsilyo sa ulo.
Gin-identify kay RR, 18-anyos, ang napatay.
Suno sa nakakita nga si alyas Ann, mga las-10:30 sang gab-i sang nakabati sila nga may nagsinggit nga nagapangayo bulig.
Wala sila gilayon nga nagguwa pero may kasilingan sila nga nagpasuga sang flashlight kag nagpahibalo nga may nakaga-id sa kahoy.
Indi matumod ni Ann kon may mga lagub siya sa lawas nga nagapatimaan ginkastigo tungod napuno sang dugo ang iya lawas.
Wala sang pang-ibabaw nga panapton si RR kag naka-jersey shorts.
May nakabalighot nga tela sa liug ni RR nga nahulog lang samtang nagapanginpadlos para makasinggit kag makapangayo siya sang bulig.
Antes ang pagpangayo sang bulig, wala sang nabatian nga komosyon ukon kalas sa palibot kanday Ann.
Samtang ginadala pagguwa kag karga sa ambulansiya nagahambal pa si RR.
Namitlang man sang biktima ang apelyido nga amo suno sa iya ang may kahimuan sa insidente.
Ginbulong pa sa ospital si RR pero napatay las-12:36 kaina sang kaagahon.
