ILOILO — Dead on the spot ang tatlo ka mga sakay sang truck sang nakabunggo sa puno sang Acacia sa Barangay Caigon, Maasin subong nga hapon.
Suno kay Police Lieutenant Rena Depatuan, officer-in-charge sang Maasin Municipal Police Station, apat ang sakay sang truck nga may karga nga kawayan sang natabo ang aksidente.
Nagapungko upod sa driver ang 72-anyos nga tag-iya sang truck samtang yara sa likod ang duha nila ka mga helpers.
Napatay ang driver kag tag-iya sang truck tungod naipit sang nagupi kag nawasak ang truck. Nagtabog naman ang isa sa mga helper nga napatay.
Gindala sa ospital ang isa pa ka helper samtang minor nga pilas ang naagum sang driver sang motorsiklo nga na-sideswipe sang truck.
Nagguwa sa imbestigasyon nga sumalang sang truck ang motorsiklo sang na-sideswipe.
Nagtinguha ang driver sang truck nga likawan ang motorsiklo pero nakabunggo sa puno sang Acacia. — Aksyon Maria Kayla Tingzon
