ILOILO— Nagapaayo na sa ospital ang pulis nga nakastiguhan sa namatyan sa Brgy. Janipa-an West, Mina kaina sang kaagahon.
Biktima si alyas Fred, 36-anyos nga assign sa Regional Police Drug Enforcement Unit (RPDEU) kag naga-rank nga Police Corporal.
Suno kay Police Lieutenant Redan Octaviano, hepe sang Mina Municipal Police Station, nagkadto sa lugar si alyas Fred tungod ginhagad siya sang iya nga abyan nga residente sang amo nga barangay. Kilala sang abyan ni Fred ang napatay.
Sa imbestigasyon, may komosyon nga nagluntad sa abyan ni Fred kag mga suspek, suno sa pulis.
Nasumbagan si Fred sa ulo kag nagkalain-lain nga parte sang lawas gani ginpatawgan sang pulis.
Nagresponder ang kapulisan sa lugar pero wala na naabutan ang mga suspek tungod nagdalagan.
“MAANGUT SA TRABAHO SANG BIKTIMA?”
Ginahibalo pa sang kapulisan ang motibo sa pagpangkastigo.
Suno kay Lieutenant Octaviano, limitado pa ang ila impormasyon nga mahatag tungod nagapadayon pa ang ila imbestigasyon.
May “intelligence value” ang mga impormasyon tungod sa trabaho ni alyas Fred, suno kay Octaviano.
May person-on-interest naman ang kapulisan kag ginahulat nga makaguwa ang biktima sa ospital para makakuha sang dugang nga impormasyon. — Aksyon Farrah Mae Morano
