Isa pa ka record ang nahimo sang mga atleta sang Western Visayas sa nagapadayon nga Palarong Pambansa sa Agusan del Sur.

Sa 4x100m relay Elementary Boys, natapos nanday Jake Pablo sang Carles, Iloilo; Zachary Pallares sang Caluya, Antique; Zian Gabriel Galaura sang Roxas City, Capiz; kag Marthonne Andrie Dumolong sang Maayon, Capiz ang dalagan sa kadasigon nga 47.31, mas madasig sa 47.81 old record sang 2025.

Antes sa ila, nakahimo man ang Western Visayas sang record sa 4x100m relay Elementary Girls.