ILOILO — Ginabanta sa 403 grams nga suspected shabu nga may Standard Drug Price na P2, 740, 400 ang na-recover sa buy-bust operation sa Purok 1, Barangay Botongon, Estancia kahapon, Hunyo 5.
Lima ka drug personalities ang naaresto lakip na ang 43-anyos nga si alyas Joel nga ginakonsiderar nga High-Value Individual kag subject sang operasyon.
Na-aresto man ang apat pa ka upod ni Joel nga ginakabig nga Street-Level Individuals.
Nag-ugat ang operasyon matapos ang malapit duha ka bulan nga monitoring kag case build-up batuk kay Joel, nga ginatudlo involved sa illegal drug activities sa Estancia kag mga kaingod nga banwa. — PRO 6
