ILOILO — Dakup ang barangay kagawad sang nakuhaan sang P200,000 nga balor sang suspected shabu sa drug bust operation sa Barangay Pajo, Lambunao kahapon sang hapon.
Suno kay Police Lieutenant Vincent Garcia, officer-in-charge sang Lambunao Municipal Police Station, madugay na nga gina-monitor ang subject nga si alyas Elvis pero mahalong siya sa iya mga transaksyon.
Nagaserbe nga barangay official sang Barangay Natividad, Lambunao ang subject pero sa Barangay Pajo natabu ang transaksyon tungod didto ang iya puwesto sa pagbaligya sang baboy.
Nakumpiskar sa operasyon ang anum ka sachets sang suspected shabu nga nagabug-at 30 gramos.
Sa impormasyon nga natipon sang mga pulis, may ginakuhaan sang supply sang illegal nga druga ang subject sa Nanga, Pototan.
Ginabaligya naman niya ini sa mga barangay nga kaiping sang iya gina-istaran. — Aksyon Maria Kayla Tingzon
