“Super Tikya” sang Concepcion nga “Most Bemedalled Athlete” sa Palaro ginpasidunggan sang Sangguniang Panlalawigan

ILOILO – Ginpasidunggan sang Sangguniang Panlalawigan si Trixia Anne Arellano ukon mas kilala nga “Super Tikya” sang Concepcion Central Elementary School nga “Most Bemedalled Athlete” sa Palarong Pambansa 2026.

Si Arellano ang nakakuha sang apat ka mga gold medals – 100-meter dash, 200-meter dash, 4×100-meter relay, kag 4×400-meter relay sa Elementary Girls Division.

Una na nga nag-viral ang Ilongga athlete tungod nagatiniil kon magdalagan.

Natalana man nga magbaton sang cash incentives si Arellano halin sa Iloilo Provincial Government sa diin tag-P8,000 sa kada bulawan nga medalya.