3 lakip ang solterito kag graduating criminology student dakup sa drug bust operation sa Tacas, Jaro; P3.7 million nga balor sang suspected shabu na-recover

ILOILO—Tatlo ang nadakpan sa drug buy bust operation sa Zone 1, Brgy. Tacas, Jaro lakip ang menor-de-edad kag graduating criminology student.

Subject sang operasyon si Karen, 48-anyos. Nadakpan man kanday Kyle, 25-anyos nga graduating criminology student kag residente sang Relocation Site, Brgy. San Isidro, Jaro; kag 17-anyos nga solterito.

Suno kay Police Captain Glenn Soliman, Assistant Chief sang Regional Police Drug Enforcement Unit, si Karen ang ila nga target pero naabutan nila nga nagabakal sang illegal drugs kanday Kyle kag ang menor-de-edad.

Natukiban nga ginasugo ni Karen ang duha sa pag-deliver sang illegal nga druga.

Si Karen ang nagakuha sang supply sang illegal drugs sa Manila kag gina-repack para i-distribute. May iban pa gid nga nagasugo sa iya nga gina-monitor na sang pulis.

Sa kabug-usan, na-recover ang 555grams sang suspected shabu nga may standard drug price nga P3,774,000. — Aksyon Farrah Mae Morano