ILOILO— Na-recover ang P1.4 million nga balor sang suspected shabu sa drug buy bust operation sa Brgy Zone 2, Estancia subong nga hapon.
Nadakpan kanday alyas Jojo/Joker, 52-anyos sang Inventor St., Zone 1, Estancia; kag iya nga nobya nga si Gina, 43-anyos nga club entertainer kag taga- Brgy Banago, Bacolod, City.
Suno kay Police Major Dadje Delima, head sang Provincial Drug Enforcement Unit (PDEU), nakabaton sila sang impormasyon sa illegal nga aktibidad ni Jojo.
Si Jojo ang naga-distribute sang illegal drugs sa Estancia kag kabanwahanan sa 5th district sang Iloilo. Ginakuha ni Jojo ang supply kay alyas Ching nga bodegero sang shabu sang drug personality nga yara sa Metro Manila.
Bag-o lang nag-abot ang supply ni Jojo gani daku sang supply sang illegal drugs ang nakumpiskar. — Aksyon Farrah Mae Morano
