ILOILO CITY — Ginadungan sang mga subjects sa drug bust operation sa Barangay Boulevard, Molo ang paglibod sang lamayo kag pagbaligya sang illegal nga druga.

Subjects sa operasyon kanday Glenn, 43-anyos, Bebang, 48-anyos kag Geovani, 49-anyos nga lunsay residente sang amo nga barangay.

Suno kay Police Captain Roque Gimeno III, head sang City Drug Enforcement Unit (CDEU), may utod si Glenn nga preso sa BJMP Ungka tungod sa kaso may kaangtanan sa illegal nga druga, nga amo ang nagahatag sa iya sang instructions kon diin kuhaon ang supply nga ila ibaligya.

Na-recover sa operasyon ang siyam ka sachets sang suspected shabu nga nagabug-at 60 grams kag may standard drug price nga P408,000.

Dugang ni Gimeno, madamo na sang nagareklamo sa mga subjects sa barangay kag gindangup sa ila gani gin-operate. — Aksyon Maria Kayla Tingzon