ILOILO — Daku nga impact sa kampanya sa illegal drugs ang pagka-aresto sang tatlo ka High Value Individuals (HVIs) sa buy bust operation sa Block 20, Lot 3, Florvel Subdivision, Barangay Buray, Oton, Iloilo, kaina sang aga.
Arestado kanday alyas Boss, 26-anyos, alyas Choco, 28-anyos nga lunsay residente sang Zone 3, Barangay Calumpang, Molo kag alyas Jude, 32-anyos sang Zona 1A, Barangay San Juan, Molo, Iloilo City.
Na-recover sa mga nadakpan ang 22 ka dalagku nga “plastic bag” kag 11 ka sachets nga lunsay may unod nga suspected shabu.
Nagabug-at sang 2,055 grams ang suspected illegal drugs nga na-recover kag may Standard Drug Price nga ₱13,974,000.00.
Suno sa Police Regional Office 6, halin sa concerned citizen ang impormasyon nga naga-engage sa illegal drug activities ang mga subject.
Gin-monitor sang Regional Police Drug Enforcement Unit (RPDEU) 6 ang hulag sang tatlo tubtob na-operate kaina sang aga.
“We will sustain the pressure against illegal drugs. At the same time, we call on the community to continue providing timely and reliable information. Your cooperation is vital in our shared mission to keep Western Visayas safe,” PRO 6 Acting Regional Director, PBGEN Randulf Tuaño. — Aksyon Angel Mae Ciudad
