ILOILO— Nadakpan sa seaborne patrol operation sang Iloilo Provincial Bantay Dagat Task Force ang manugpangisda nga nagagamit sang dinamita sa Culebra Island, Barangay Taloto-an, Concepcion.
Ginkilala ang manugpangisda kay Ronald, 30-anyos nga taga-Barangay Punta Batwanan, Carles.
Ang operasyon ginhimo sang Bantay Dagat Task Force kag 2nd Iloilo Provincial Mobile Force Company (IPMFC) upod ang Regional Intelligence Unit 6 (RIU6).
Nakumpiskar ang fishing boat, fishing paraphernalia nga nagabalor sang P100,000 kag duha ka kilo sang assorted fish.
Yara na sa kustodiya sang Concepcion Municipal Police Station ang manugpangisda kag nagapangatubang sa violation sa Republic Act No. 10654. — Aksyon Farrah Mae Morano
