ILOILO — Gin-custody sang Carles police ang lima ka mga individual nga nagpakita-kita sang long firearms sa resort sa Sicogon Island, Carles.
Base sa report, las 4:20 sang hapon sang June 25 sang nagsulod sa resort si alyas Dave, kaupod ang apat niya ka bodyguards nga mga armado.
Suno sa initial nga report, gin-takeover nila ang iban nga facilities sa Sicogon Island, samtang ginapakita ang ila mga gina-uribay nga malagba nga pusil.
Mabatian man sa gin-upload nga video sa social media, ang pagmitlang ni Dave sa Ayala Land, Inc. nga “land grabber,” kadungan ang paglawag niya sa mga pangalan sang iya nga mga utod.
Gin-claim ni Dave nga wala sang maayo nga epekto ang 16 ka tuig nga Joint Venture nila sa Ayala Land, Inc.
Dugang niya, gutom na ang mga tawo sa Sicogon tungod sa indi maayo nga sitwasyon. — Aksyon Angel Mae Ciudad
