ILOILO CITY — Nakumpiskar ang City Drug Enforcement Unit (CDEU) sang P1.5 million nga balor sang suspected sa drug bust operation sa Barangay Dulonan, Arevalo Biyernes sang gab-i, Hunyo 26.
Subject sa operasyon si alyas Nel, 28-anyos nga jeepney driver kag temporaryo nga naga-istar sa nasambit nga barangay pero tumandok sang Cadiz City, Negros Occidental.
Suno kay Police Captain Roque Gimeno III, chief sang CDEU, ang subject ang nagbulos sa pagbaligya sang illegal nga druga sang nadakpan ang duha niya ka mga upod nga mag-live in partner sa operation nga ginhimo man sang ila unit sa Brgy. Sto. Niño Sur sang nagligad nga semana.
Ginpabutyag ni Gimeno nga subject man kuntani si Nel sa una nga operation pero natabuan nga wala siya nakakadto didto.
Sa sulod sang duha ka bulan nga monitoring, nahibaluan sang mga pulis nga nagatabo ang mga transaksyon sang subject sa Mohon Terminal.
Nakuha sa subject ang pito ka sachets kag duha ka dalagko nga pinutos sang suspected shabu nga nagabug-at 225 gramos.
