ILOILO — Lima ang nadakpan sang kapulisan samtang may anum ka nakapalagyo sang nakabaton sang impormasyon nga may nagapauwak sa Barangay Simsiman, Calinog kahapon sang hapon.
Arestado kanday alyas Dindo, Mike, Reynante, Rizalito, kag Raymond nga lunsay mga taga-Calinog.
Suno kay Police Captain Melvin Mercado, officer-in-charge sang Calinog Municipal Police Station, masobra isa ka semana nila nga gin-monitor ang mga involved sa pauwak sang makaligad nga nabaton ang impormasyon.
Pag-abot sang mga pulis, naghalaw-as ang tanan nga involved kag lima lang ang ila nadakpan.
Na-recover sa lugar ang duha ka mga manok nga ginapasampok pa, fighting ring kag P650 nga bet money.
