ILOILO CITY — Nakuhaan sang ginabanta 200 grams sang suspected shabu nga nagabalor sang P1,360,000 ang part-time criminology instructor sa drug buy bust operation sa Jalandoni Estate, Lapuz.
Subject si Genmark, 37-anyos nga residente sang amo man nga lugar.
Suno kay Police Captain Roque Gimeno, chief sang City Drug Enforcement Unit (CDEU), naglab-ut sa tatlo ka bulan ang monitoring nila sa subject pagkatapos sang madamo nga impormasyon may kaangtanan sa iya illegal nga aktibidad.
Ginpabutyag ni Gimeno, nakahibalo si Genmark sang gina-ubra sang pulis tungod nagatudlo siya sa criminology students.
“Kalaw-ay no kay nagatudlo ka [sang manug pulis] pero ga-illegal drugs ka man. Thats why gintinguhaan naton [nga ma-operate],” suno kay Gimeno.
Na-recover ang 12 ka sachets sang suspected shabu kag duha ka knot tied transparent plastic bags.
Sa Lapuz nagakuha sang supply sang illegal drugs ang subject. — Aksyon Farrah Mae Morano
