ILOILO CITY – Imbes nga magpahuway subong nga Domingo, nagalibog ang ulo sang pila ka mga residente kon diin masugod makaligad nga naguba ang ila balay kag pangabuhian sang naglabay ang buhawi sa porsyon sang Jaro kag Mandurriao kagab-i.
Sa Cubay, Jaro, 48 ka mga balay ang naguba – may nauklab nga atop, may naghapa, kag natumbahan sang puno sang kahoy. Temporaryo nga nagatiner sa evacuation center ang mga residente.
Sa Jaro Plaza, nagkalatumba ang mga puno sang kahoy kag nagapadayon na ang clearing operations sang mga personnel sang Iloilo City Government.
Sa El 98, Jaro, may mga balay man nga naguba. Lakip man sa naapektuhan ang Jaro Big Market.
Sa Q. Abeto, Mandurriao, naguba ang baligya-an sang Ukay-Ukay tungod sa buhawi.
Nagalibog ang ulo sang nga nagabaligya kon paano sila maka-umpisa tungod nahalitan ang ila mga baligya.
