Asawa nga luyag na makigbulag patay sang gintiro sang iya bana sa Carles

ILOILO — Patay ang 45-anyos nga asawa sang gintiro sang iya bana sa Barangay Bancal, Carles kahapon, Agosto 16.

Suno kay Police Major Carl Jerome Tingala, Officer-in-Charge sang Carles Municipal Police Station, nagapungko sa ugat sang kahoy ang mag-asawa nga naga-istoryahanay.

Sa ila pag-istoryahanay, suno kay Tingala nagmitlang ang asawa nga si alyas Rosela nga makigbulag na sa iya bana nga si alyas Jeffrey.

Nagpamangkot si Jeffrey sang rason tubtob nga ginkuha sang bana sa iya sling bag ang caliber 45 kag gintiro ang iya asawa.

Napilasan sa wala nga parte sang liug, butkon kag likod si Rosela.

Na-recover sa area ang lima ka cartridge sang caliber 45.

Nagaplano pa kuntani sang birthday party ang duha sa ila nga bata.

Si Rosela ang OFW kag sang Agosto 11 lang nagpauli sa Carles.

At-large pa si Jeffrey, suno sa pulis.