ILOILO— Padayon nga gina-ayam sang kapulisan ang suspek sa pagbuno sa iya katrabaho nga pintor sa Barangay Cagbang Oton kahapon.
Suno kay Police Lieutenant Colonel Norbert Sipole, hepe sang Oton Municipal Police Station, ginpangita nila ang suspek nga si alyas Josryl, 38-anyo sa ila balay sa Tapaz, Capiz pero wala siya nakapauli.
Tubtob subong wala pa nadakpan ang suspek.
Sa imbestigasyon, nagapaminta ang biktima nga si alyas Marlon, 47-anyos sang Barangay Abangay, Dingle kag ang suspek. Updanay sa trabaho ang duha.
Nabatian na lang nga nagbaisay ang duha tubtob ginbuno sang suspek ang biktima sa wala nga dughan.
Gindala sa ospital ang biktima pero napatay.
