ILOILO— Nakumpiskar ang masobra P3.4 million nga balor sang suspected shabu kag pusil sa drug buy bust operation sa Mansaya, Lapuz kaina sang kaagahon.
Subject si Alyas Pipoy, 46-anyos nga tumandok sang Passi City pero temporaryo nga nagatiner sa Brgy. Mohon, Arevalo.
Suno kay Captain Dennis Losbañez, team leader sang Regional Police Drug Enforcement Unit-6 (RPDEU-6), nagahalin sa National Bilibid Prison ang supply sang illegal drugs sang subject.
Ang shabu naman nga na-recover kay Pipoy naghalin sa Bacolod City kag ginpadala lang sa Iloilo City.
Na-recover sa operasyon ang 500 grams sang suspected shabu, .45 caliber pistol kag magazine nga may lima ka bala.
