Mag-amay nga nagabaligya sang fried chicken sa Calinog pilason sang gintiro sang balut vendor

ILOILO— Pilason ang mag-amay nga manugbaligya sang fried chicken sang gintiro sang balut vendor sa Brgy. Poblacion Centro, Calinog kagab-i.

Suno kay Police Senior Master Sergeant Joven Aldabon, imbestigador sang Calinog Municipal Police Station, nagabaligya sang fried chicken ang amay nga si Elmer, 54-anyos kag ang bata nga si Presy, 31-anyos.

Hubog nga nagpangtiro ang suspek nga si Ronelo, 40-anyos, suno sa pulis.

Una nga gintiro sang suspek ang amay nga naigu sa wala nga kamot nga naglapos sa iya nga tyan. Naglapos ang bala kag naigo sa likod ang bata.

Na-recover ang 12 gauge shot gun samtang nakapalagyo ang suspek.