ILOILO CITY — Arestado sa drug bust operation ang 30-anyos nga subject sa Zone 6, Boulevard, Molo kaina sang hapon.
Suno kay Police Captain Ryan Christ Inot, hepe sang Molo Police Station, si alyas Toto Dodoy ang subject man sa ila drug bust operation sang nagligad nga bulan pero nakapalagyo.
Magluwas sini, si Toto Dodoy ang nag-“My Day” sa iya Facebook account sa ginabaligya niya nga illegal drugs sang nagligad nga bulan, suno kay Inot.
Dugang pa ni Inot nga ang tatlo ka mga utod ni Toto Dodoy ang nadakpan na sa mga operation sang otoridad.
Anum ka sachets sang suspected illegal drugs ang na-recover sa subject nga may Standard Drug Price nga P20,700.
