Tunga sa milyon nga balor sang suspected shabu na-recover sa drug buy bust operation sa La Paz

ILOILO— Duha ka construction workers ang nadakpan sa drug buy bust operation sa Zone II Brgy. Rizal, La Paz kagab-i.

Ang mga nadakpan amo kanday alyas Toto Boni, 30-anyos sang Zone II Brgy. Rizal, La Paz kag alyas JR, 38-anyos sang Brgy. Mawang, Tapaz Capiz pero temporaryo nga nagatiner sa amo nga lugar.

Una nga nabaklan ang duba sang isa ka sachet sang suspected shabu kag na-recover pa gid ang dugang nga siyam ka sachets.

Sa kabug-usan, nagabug-at sang ginabanta 75 grams nga may standard drug price nga P510,000 ang na-recover. — Aksyon Farrah Mae Morano