ILOILO — Nakapalagyo ang Person Under Police Custody (PUPC) sang naglumpat sa pil-as sa Barangay Aripdip, San Rafael, Iloilo.
Suno kay Police Lieutenant Francis Carona, Officer-in-Charge sang San Rafael Municipal Police Station, halin sa Hall of Justice ang PUPC kag ang duha ka pulis tungod nag-file sang kaso nga rape.
Samtang papuli, naglisensiya ang PUPC nga mangihi. Ginpasugtan sang mga police escort ang PUPC nga mangihi.
Upod sang PUPC nga nanaog sa Innova nga salakyan ang duha ka pulis nga amo ang nagabantay sa iya.
Pero, gulpi lang naglumpat sa pil-as ang PUPC kag ginlagas sang mga pulis pero wala na nila makita.
Sa subong, nagapadayon ang hot pursuit operation sang kapulisan sa PUPC nga nakapalagyo.
