ILOILO—Nagpakigbahin ang Iloilo Provincial Capitol sa Third Quarter Nationwide Simultaneous Earthquake Drill subong nga hapon.
Ginpangunahan sang Provincial Disaster Risk Reduction and Management Office (PDRRMO) kag Office of the Civil Defense (OCD) ang amo nga drill, kaupod ang Bureau of Fire Protection (BFP), Philippine National Police (PNP), Philippine Red Cross kag Federation of Fire Volunteers.
Nagsugod ang earthquake drill paagi sa emergency alarm.
Gilayon nagguwa ang mga yara sa tagsa ka panalgan sang building padulong sa open grounds sang Provincial Capitol nga amo ang assembly point.
Nakasuksok na ang mga personnel kag indibidwal sang protective gears, agud dugang nga proteksyon sa ila pakadto sa assembly point.
Nag-conduct naman sang search and rescue operation ang mga otoridad sa mga nasamaran tagsa ka panalgan sang building.
