ILOILO — Nag-surrender sa kapulisan ang 20-anyos nga Person Under Police Custdy (PUPC) nga nagpalagyo sang naglumpat sa pil-as sa Barangay Aripdip, San Rafael, Iloilo kahapon.
Base sa impormasyon sang Aksyon Radyo Iloilo news team, nagkadto sa iya lolo sa Barangay San Dionisio, San Rafael ang PUPC.
Ginkadtuan siya sang iya amay sa balay sang iya lolo kag ginhaylo nga mag-surrender sa mga pulis.
Mga las-11:54 kaina sang aga, na-custody na liwat sang San Rafael police ang PUPC.
Matandaan, kahapon naglisensiya ang PUPC nga mangihi gani ginpasugtan sang police escort nga manaug sa patrol car.
Pero, pagpanaug sa patrol hinali lang naglumpat sa pil-as ang PUPC.
Ginlagas pa sang pulis ang PUPC, pero wala gilayon makita.
