ILOILO— Gindala sa ospital ang hinablos nga natiruhan sang iya nga tiyo sa Brgy. Dungon C, Mandurriao kagab-i, Sept. 10
Ginkilala ang biktima kay Allen Juanico, 49-anyos construction worker samtang ang suspek ang iya nga tiyo nga si Victor, 67-anyos.
Suno sa utod ni Allen, nagakay-o ang biktima sang motor samtang naga-inum-inom sang naglabay si Victor.
Ginhagad pa ni Allen ang iya nga tiyo nga mag-inom pero nag-upod. Gulpi lang gintiro ni Victor si Allen.
Naigo ang biktima sa wala nga butkon. Estable na ang kondisyon sang biktima sa ospital. At large ang suspetsado.
Sa pagpamangkot sang mga pulis sa bata sang suspek, ginsugid niya nga nagapati ang iya amay nga ginpasurhano siya sang iya hinablos. Nagapati man ang suspek nga ginhalitan siya kag ginpahiwitan sang hinablos.
Pero gin-ako sang bata nga may stage 4 nervous breakdown ang iya amay gani indi ma-intiendihan ang iya aktuwasyon.
