ILOILO — Na-recover ang ₱2.8 million nga balor sang suspected shabu sa drug buy bust operation sa Barangay Poblacion Zone 2, Estancia.
Subject si alyas Dave, 32-anyos nga residente sang amo man nga lugar.
Suno kay Police Lieutenant Adrian Baligod, hepe sang Estancia Municipal Police Station, isa ka bulan nga gin-monitor ang subject tubtob nadakpan.
Na-monitor ang illegal activity sang subject tungod una na nga nadakpan ang iya mga upod sa operasyon sang pulis.
Ginakuha sang subject ang supply sang illegal drugs kag gina-distribute sa fifth district sa probinsya sang Iloilo.
Gindayaw naman ni Colonel Bayani Razalan, direktor sang Iloilo Police Provincial Office (IPPO) ang mga pulis nga nag-conduct sang operation.
