ILOILO — Tungod pareho nga naka-inum, ginlabo sang manghod ang iya nga magulang sa Sitio Bagtik, Barangay Indaluyon, Igbaras kagab-i.
Biktima si alyas Tonyo, 58-anyos samtang suspek si alyas Ric, 36-anyos.
Suno kay Police Captain Francis Donne Lomahan, hepe sang Igbaras Municipal Police Station, nag-inum-inom ang suspek kag ang biktima pagkatapos nag-obra sa talamnan.
Nagbinaisay ang mag-utod tungod pareho nga naka-inum. Nagkuha sang binangon ang suspek kag ginlabo ang biktima, suno sa pulis.
Tungod sini, nakaagum sang pilas sa likod kag sa likod nga porsyon sang ulo ang biktima.
Gindala sa ospital ang biktima nga gin-operahan.
Nag-surrender naman ang suspek sa pulis.
