8 ka banwa sa probinsya sang Iloilo apektado sang ‘drought’ sa humayan, maisan, kag high value commercial crops

Naglab-ut sa walo ka mga kabanwahanan sa probinsya sang Iloilo ang na-record nga apektado sang drought sa humayan, maisan, kag high value commercial crops (HVCC).

Nalakip sa mga banwa sa probinsya nga apektado sang drought ang:

• Lambunao

• San Enrique

• Dueñas

• Banate

• Janiuay

• Bingawan

• Lemery

• Concepcion

Matandaan nga ang Dueñas ang na-record nga una nga nagdeklarar sang state of calamity tungod sa dry spell.

Naglab-ut 9, 472 ang kabug-usan sang nga mangunguma nga apektado sang drought sa nagkalain-lain nga banwa sa probinsya sang Iloilo.

Samtang, 6, 752.15 hectares naman ang kabug-usan sang area nga apektado sang drought nga may kahalitan nga P232. 5 milyon.