Antique— Ang Project i-Catch ang inisyatibo sang director sang Antique Police Provincial Office (APPO) agud madasig ang pag-locate sa mga indibidwal nga makahimo sang krimen kag mga wanted persons.
Suno kay Police Colonel Ryan Devera, director sang APPO, ang Project i-Catch ukon ang Intelligent Centralized Application for Tracking, Checking, Handling of Warrants ang makabulig agud mapadasig nga mapalab-ot ang impormasyon sa iban nga mga police station.
Sa amo nga system madasig nga makabulig ang iban nga police station sa ginapangita sang iban nga police station ilabe na kon may impormasyon nga nagkadto sa ila lugar ang suspek ukon ang wanted persons.
Ang proyekto ang labing una nga ginlunsar sa Antique nga gintambungan ni Police Brigadier General Randulf Tuaño, director sang Police Regional Office (PRO 6).
