ILOILO— Liwat naman nga may nakuhaan sang drug paraphernalia sa Dumangas RoRo Port kahapon, Oct. 22.
Suno kay Police Major Kenn Albert Lepsia, hepe sang Dumangas Municipal Police Station, halin sa Iloilo kag matabok pa Negros ang pasahero.
Ginkilala ang pasahero kay Arbhoyd, 23-anyos sang Regalado st Brgy. 6, Isabela, Negros Occidental.
Samtang gina-check sang duty screener ang back pack sang pasahero, na-recover ang gamay nga container sang multivitamins. Natukiban nga improvise tooter nga may residue sang suspected shabu ang na-recover.
May na-recover man nga knuckle bar sa pasahero.
Ini ang ika-lima na nga pasahero nga nakuhaan sang drug paraphernalia sa port.
