ILOILO—Wala na nadayon ang plano sang seafarer nga maglapta sang illegal drugs sa concert sa San Rafael, Mandurriao karon sa gab-i.
Ini sang nadakpan sa drug buy bust operation sa Brgy. Sooc, Arevalo subong nga hapon.
Subject sang operasyon si Andien, 38-anyos sang Brgy. Igtuba, Miagao.
Pito ka sachets sang suspected shabu nga nagabug-at sang 50 grams kag may standard drug price nga P374,000 kag improvised tooter ang nakuha sa subject.
Suno kay Police Captain Jersey Besas, head sang City Drug Enforcement Unit (CDEU), duha tubtob tatlo ka semana nila nga gin-monitor ang subject antes gin-operate.
Sa Jaro ginakuha sang subject ang supply sang illegal drugs.
Ginpahayag sang subject nga walo na siya ka bulan nga nagabakasyon kag manugbalik kuntani sakay sa barko.
