ILOILO – Nagsugat-anay ang banas sang present boyfriend kag past boyfriend nga nagresulta sa pagpangbuno sa kahiwatan sang Fiesta Minatay sa Brgy. Nueva Seville, Barotac Viejo sang Nobyembre 1.
Ang magnobyohanay ginkilala kanday alyas Mike, 17-anyos kag alyas Jen, legal ang pang-edaron. Samtang ang suspek, nga si alyas Wel, anay nobyo ni Jen naga-edad sang 34-anyos.
Suno kay Police Major Francis Batallones, hepe sang Btac Viejo Municipal Police Station, natyempuhan nga nag-intra sa kahiwatan nga “Linagsanay sa Kalubihan” ang suspek nga ato man ang magnobyo.
Tungod sini, naglagsanay tubtob nagpinukutay si Mike kag Wel. Nagtambag sa gamo si Angel pero napilasan tubtob ginbuno sang suspek ang nobyo nga si Mike.
Napilasan sa tuo nga kilid sang lawas ang nobyo samtang may minor injury sa tiil ang nobya.
Nadakpan sa hot pursuit operation ang suspek nga pasakaan sang kaso nga frustrated murder kag slight physical injury.
