Gindala sa ospital ang manager sang lending company sang gintiro sa Brgy. Punong Grande, Dueñas las 8:10 sang aga.
Ginkilala ang biktima kay alyas Roy, 36-anyos kag residente sang Man-it, Passi City.
Sa pag-imbestigar sang Dueñas Police , naga-drive sang motorsiklo ang biktima halin sa Passi City kag pakadto kuntani sa Dingle sang gintiro sang makapila ka beses sang mga suspek nga nagasakay sa motorsiklo sa atubang sang Punong Grande Elementary School.
Gindala sa Don Valerio Palmares District Hospital sa Passi City ang biktima apang gindeklarar nga napatay las 9 sa aga suno sa pulis.
Nagapadayon ang hot pursuit sang kapulisan batuk sa mga suspek nga nagpalagyo padulong sa direksyon sang Dingle.
Na-recover sa lugar ang pito ka basiyo sang 45 caliber pistol kag apat ka slugs.
Yara naman sa custody sang kapulisan ang backpack sang biktima nga may unod nga ₱300,000.
Trabaho kag personal grudge nga ginasunod nga anggulo sang kapulisan sa insidente.
