ILOILO – Pilason ang asawa sang ginlampusan sang pakaw sang pala sang iya bana sa Leon.
Ang asawa naga-edad sang 43-anyos samtang ang bana, 49-anyos.
Suno kay PLT Cosmeflor Marco Jr., officer-in-charge sang Leon Municipal Police Station, nag-inum inom sang makahulubog nga ilimnon ang bana pagkatapos nagpanggarab. Yara man ang asawa sa lugar kon diin naga-inom ang bana.
Nagaguwa sa imbestigasyon sang Women and Children Protection Desk sang Leon MPS nga tungod yara sa impluwensiya sang makahulubog nga ilimnon bana, may pagbinaisay nga natabo tungod nagpangimon ang bana.
May komosyon nga natabo tubtob ginlampusan sang pakaw sang pala ang asawa nga may pilas sa itsura.
Gin-refer sa ospital sa syudad ang asawa kag out patient na.
Nakaguwa ang bana sa custodial facility sang Leon MPS tungod nag-lapse na ang reglementary period of detention kag indi na pagpasakaan sang kaso, suno sa pulis.
