ILOILO CITY – Gindala sa ospital ang 15-anyos nga menor-de-edad sang nalukpan sang ginpangtipon nga pulbura sang palupok sa Brgy. Magsaysay, La Paz.
Nakaagum man sang pilas sa tiyan kag pila ka parte sang lawas ang biktima.
Base sa initial nga impormasyon, nagatipon sang pulbura ang solterito kag ginsindihan ini sa sulod sang ila balay.
Nakibot naman ang mga himata kag kasilingan sang biktima sang nabatian ang sigabong tubtob nakit-an ang solterito nga duguon.
Suno kay alyas Joy, first aid responder, conscious sang gindala sa ospital ang solterito.