ILOILO — Ginkumpirmar ni Police Captain Ryan Christ Inot, OIC sang Pavia Municipal Police Station, ang impormasyon nga may nagwaras nga lalaki kag gintuyo nga i-hostage ang iya mga ginikanan kag sunugon ang ila balay sa Lessandra Subdivision sa Brgy. Jibao-an, Pavia.

Suno sa iya, gin-abot ang 40-anyos nga suspek kag ginsunog ang ila sofa kag parte sang ila kusina.

Madasig naman nga nakatawag sang mga pulis kag bombero ang mga ginikanan gani nakaresponder gilayon kag nakaguwa sa balay amay kag iloy sang suspek kag ginhingagaw palong sang mga bombero ang kalayo agud indi na maglapta.

Ginpahayag ni Captain Inot nga gin-ako sang amay sang suspek nga anay drug addict ang iya bata kag padayon nga ginapaidalom sa rehabilitation.

Gin-ako man sang amay nga ginasakit sila sang iya bata.

Gintinguhaan sang mga pulis nga i-negosyar ang suspek tungod nagawaras kag nagapamahog nga manginmatay. Gindala siya sa ospital sa Iloilo City tungod nga na-suffocate sang aso.