ILOILO — Patay ang 52 anyos nga mangunguma nga si Dennis Ocampo, sang Barangay Bantud, Dumangas sang nakursunadahan kag ginsapote ni Ronelo Nuguid, 25 anyos sang Paloc Sool, kag bag-o appoint nga tanod sa Ilaya 1st sang amo nga banwa
Suno kay Police Master Seargent Ronald Domenis, imbestigador sang Dumangas Municipal Police Station, natabo ang insidente las-11:50 kagab-i sa guwa sang ospital sa Brgy. Ilaya 1st
Sa imbestigasyon, nagbisita sa iya himata nga na-ospital ang biktima kag samtang nagalakat matapos nagbakal sigarilyo, hinali lang siya ginsumbag sa ulo sang suspek gani natumba.
Sang natumba, ginpasundan pa gid sumbag sang suspek rason gindala sa ospital pero gindeklarar nga napatay.
Nadakpan ang suspek kag natalana pasakaan sang kaso nga murder.